Blerina Bombaj, dietologe
Çdo farë, drith apo fasule mund të mbijë fare lehtë në kushtet e shtëpisë dhe të përbëjë një burim të jashtëzakonshëm lëndësh 
jetike, si: vitamina, antioksidues dhe enzima. Në fazën e mbirë dhe ditët e para të rritjes së filizave, çdo lloj fare shumëfishon përmbajtjen në klorofil, vitamina, enzima, fibra dhe acide lyrore. Madje ato bëhen edhe më të përthithshëm në këtë periudhë.
Ju mund ta provoni me ccdo lloj fare apo drithi, mjafton t’i lini në ene qelqi me ujë disa orë dhe më pas për dy ditë i lini të kullojnë duke i shplarë dy herë në ditë, në një vend të errët. Pas dy ditësh do të shihni që ato kanë mbirë. I vendosni në vazo me dhe duke i lënë afër një burimi dielli. Për dy javë i konsumoni në sallata apo në lëngje ashtu siç janë!
