Përshtati në shqip për “Shendeti.com.al”: Marsela Aliaj
Shkencëtarët janë duke u marrë kohët e fundit me prodhimin e disa sensorëve wireless me përmasa mikroskopike , të cilat mendohen të implementohen brenda trupit të njeriut për të marrë të dhëna nga aktiviteti nervor në kohë reale.
Kjo mendohet të sjellë shumë përparësi në zgjidhjen dhe kontrollin e sëmundjeve të ndryshme, si epilepsia, si dhe të përmirësoj kontrollin e protezave në të ardhmen.
Këto pajisje janë testuar me sukses tek minjtë dhe brenda dy viteve do fillojnë testimet mbi njerëz.
Këto pajisje të quajtura Fitbits do kenë avantazhin të marrin një sasi shumë të madhe informacioni në vende ku deri më tani ishte e pamundur të depërtoje.
Nga kompania që po prodhon këto pajisje kanë dalë në qarkullim edhe shumë aparate të tjera ndihmuese, që matin rrahjet e zemrës, numrin e hapave që ecën, të shkallëve që ngjit e shumë të tjera. Diferenca nga pajisjet e tjera ekzistuese është se këto të fundit janë wireless. Të gjitha teknologjitë ekzistente përdorin elektroda të lidhura në trup dhe që për më tepër janë vetëm sipërfaqësore, të lidhura jashtë trupit.
Sensorët e rinj nuk kanë nevojë as për tela dhe as për bateri. Ata përdorin ultratinguj si për energji ashtu edhe për të marrë të dhënat nga trupi. Ato kanë madhësinë e një kokrrizë rëre dhe deri më tani janë përdorur tek sistemi periferik nervor i minjve , pjesa që lidh trurin me shtyllën kurrizore, duke mbledhur të dhëna për sistemin nervor në një kohë të pabesueshme.
Sensorët përdorin kristale të quajtur ‘piezoelectric’ të cilat konvertojnë ultratingujt në energji elektrike . Nga ana tjetër kjo energji vë në punë transmitorët e mbështetur mbi nerva, të cilët fillojnë të mbledhin materiale. Këto të dhëna dërgohen, me të njëjtën metodë që u jepet sinjali, në një marrës jashtë trupit.
Këto shpikje do kenë një rëndësi shumë të madhe edhe për të gjymtuarit dhe tetraplegjikët duke u paraqitur një mënyrë shumë efikase për të kontrolluar protezat e së ardhmes.
Shkencëtarët gjithsesi janë të mendimit se duhen bërë akoma shumë kërkime mbi mënyrën se si truri i njeriut mbledh dhe shpërndan informacionin me anë të sistemit nervorë. Gjithashtu , këto procesorë për momentin janë të madhësisë 1 milimetër dhe studiuesve iu lind detyra ta minimizojnë akoma më shumë atë, deri në madhësinë 50 mikron në mënyrë që të jetë më i lehtë implementimi i tyre.
Burimi: Fox News/ https://shendeti.com.al/
