Mbi një kafe në ditë, 2,5 pjesë çokollate, më pak se një gotë qumësht a kos, ndërsa ujë gjithnjë më pak se 2 litrat e rekomanduara për t’u pirë çdo ditë. Është ky rezultati I një studimi të zhvilluar në Itali mbi zakonet e të ushqyerit ku morën pjesë 8500 persona.
Rezulton në fakt se një nga shkaqet e pagjumësisë është pikërisht fakti që zakonet e të ushqyerit janë të këqija dhe lidhet sidomos me pirjen para darke të përbërësve si kafe, çaj, kola dhe kakao. Në të kundërt të kësaj, konsumohet shumë pak qumësht, kos e ujë. Edhe pse fjetja keq I dedikohet edhe faktorëve të tjerë si stresi, higjiena e keqe e gjumit, faktorët ambientalë, drita apo temperatura etj, duhet thënë se gjithashtu duhet kufizuar pirja e këtyre lëngjeve në orët e mbrëmjes, sugjerojnë studiuesit. Qumështi përmban nivele të larta të triptofanit, një aminoacid që favorizon prodhimin në tru të sedativëve natyralë si serotonina dhe melatonina.
Si rrjedhojë, siç raporton agjencia ANSA, ekspertët kanë vlerësuar se përdorimi I qumështit dhe kosit tek të intervistuarit është shumë më i ulët sesa nevojat ushqimore. E njëjta gjë ndodh edhe me ujin. Në fakt, përdorimi I të paktën 2 litrave ujë në ditë qetëson muskulaturën dhe lehtëson tretjen: ky veprim I dyfishtë mund të ketë rezultate për të përmirësuar cilësinë e gjumit./ Arlinda Gjypi
