Zëvendësministrja e Shëndetësisë, Mira Rakacolli është shprehur se pavarësisht përmirësimit të situatës së covid-19, nuk duhet të ndalojë procesi i vaksinimit.
E ftuar në “Open”, Rakacolli tha se vaksinimi duhet për të mos e rënduar situatën dhe të çojë në një skenar të keq.
Mira Rakacolli: Skenarët u paraqitën shumë qartë. Nuk dua të ndalem te parashikimi i skenarëve, por do fokusohem çfarë duhet të bëjmë ne të mos shkojmë te skenari i keq. Rastet e shtruara në spital dhe jetët e humbura, kanë qenë kryesisht pa vaksina. Për të mos e rënduar situatën në vjeshtë dhe dimër, duhet të vazhdojë procesi i vaksinimit dhe mbajtja e maskës. Do doja të bëja thirrje për opinioni që të vaksinohen dhe të mos e neglizhojnë situatën./ Top Channel
