Arian Galdiani ka bërë një takim me njerëzit sot për të mbledhur denoncime lidhur me problemet e shumta që ka Qendra 
Spitalore Universitare “Nënë Tereza” në Tiranë. Teksa foli përpara njerëzve, personi i cili denoncoi skandalin e barnave për të sëmurët me kancer, tha se ka marrë denoncime pa fund, ndër të cilët ka qenë edhe kërcënimi “Do të përfundosh si Sokol Olldashi”.
Ideja e takimit ishte që të zbulohen raste abuzimi, që nuk janë të pakta. “Nëse mblidhemi bashkë, bëhemi një për t’u dëgjuar sa më shumë”, tha Galdini. Ai kërkoi nga gjithë pjesëmarrësit që mos të flitej për çështje politike. “Nëse kjo kthehet në çështje politike, unë largohem që këtu”, u shpreh Arian Galdini.
“Kjo nuk është as një fushatë kundër doktorëve. Duhet kuptuar se nuk është faji i mjekëve, por faji i sistemit”.
