Dr. Julian Dervishi, ORL
Të gjithëve u ndodh të gërhasin me raste. Por nëse kjo është e zakonshme, ajo ndikon negativisht në sasinë dhe cilësinë e gjumit tuaj, por edhe të pjesëtarëve të tjerë të familjes.
E gërhitura është shkak jo vetëm për problemet e gjumit, por edhe për një ditë të lodhshme, të stresuar apo dhe me probleme shëndetësore.
Gërhitja ndodh kur lëvizja e ajrit përmes gojës dhe hundës ndërpritet fizikisht.
Lëvizja e ajrit mund të ndërpritet për disa arsye, përfshirë:
– Rrugë nazale të ngushtuara: Disa njerëz gërhasin vetëm gjatë sezonit të alergjive ose kur kanë infeksion të sinuseve, deformime të hundës si rezultat i deviacionit të septumit, apo dhe polipeve nazale.
-Tonus i dobët i muskujve në fyt dhe gjuhë: Muskujt e gjuhës dhe të fytit mund të jenë më shumë të relaksuar se duhet, si rezultat i një gjumi të thellë, konsumim i tepërt i alkoolit, konsumimi i barnave sedative apo dhe vetë mosha.
– Ind masiv i fytit: Të qenurit mbipeshë apo fëmijë me tonsilla masive dhe adenoid.
– Palatum i gjatë dhe i butë apo uvulë e gjatë: ngushton hapësiren e hyrjes nga hunda në drejtim të fytit. kur këto struktura vibrojnë përkundrejt njëra-tjetrës, ngushtojnë lëvizjen e ajrit duke shkaktuar të gërhitura.
