Realiteti në spitalet shqiptare është krejt ndryshe nga ajo çka Ministria e Shëndetësisë përpiqet të na paraqesë. Që nga mungesa e ilaçeve e deri te shtretërit e pamjaftueshëm (aq sa pacienti është i detyruar të marrë ndihmën e parë në korridor), është kjo vetëm një pjesë e panoramës që ndesh në spitalet publike shqiptare, nëse ndodh të kurohesh aty.
Emisioni inestigativ “Fiks Fare” transmetoi këtë të mërkurë gjendjen në repartin e Kardiologjisë në Qendrën Spitalore Universitare “Nënë Tereza”, ku pacientët qëndrojnë korridoreve dhe në kushte higjienike skandaloze. Pacientë që marrin ndihmën e parë nëpër korridore, të shtrirë dhe të afërm që qëndrojnë pranë tyre në pak metra katrorë. Këto janë pamjet e trishta nga ky repart.
