Gjergji Vreto përcillet për në banesën e fundit

Gjergji Vreto, shef i imazherisë në QSUT, i cili ndërroi jetë dy ditë më parë, ka marrë sot nderimet e fundit. Përfaqësues të institucionit shëndetësor ku ai punonte, miq e kolegë e kanë përcjellë për në banesën e fundit. Gjergji Vreto ndërroi jetë në moshën 55-vjeçare ndërsa vuante nga një tumor malinj. Ai kishte mbi 30 vjet përvojë në fushën e imazherisë, ishte i specializuar në fushën e neuroradiologjisë dhe ishte pedagog në Fakultetin e Mjekësisë prej gati 20 vjetësh.