Dy vëllezër që e dashurojnë futbollin, kanë lindur pa gishtërinj. Por për Krishtlindje ata kanë marrë dhuratën më të bukur: një palë këmbë protezë.
11-vjeçari Kian dhe 7-vjeçari Kallum Xherram, Angli, kanë të trashëguar sindromën “Adams Oliver” nga babai i tyre, një gjendje e rrallë nga e cila vuajnë vetëm 125 njerëz në gjithë botën. Personat me këtë sindromë kanë një zhvillim të parakohshëm të 
duarve dhe këmbëve, duke i lënë ata pa gishtat e duarve dhe të këmbëve. Kian dhe Kallum, së bashku me babanë e tyre, Xhon që është 35 vjeç, janë të vetmit njerëz në Angli që dihet të kenë këtë sindromë.
Xhoni ka bërë çmos për të blerë për djemtë këmbët protezike prej silikoni, të cilat u siguruan nëpërmjet një faqeje interneti, e cila u angazhua për mbledhjen e fondeve. Njerëz të ndryshëm, miq dhe familjarë arritën të mlidhnin 8000 paund dhe djemtë tani janë shumë të kënaqur që mund të luajnë futboll pa pasur dhimbje të këmbëve.
Babai i djemve u shpreh se ndihet shumë i lumtur: “Kjo është dhurata më e bukur e Krishtlindjeve që djemtë e mi kanë marrë ndonjëherë. Për ta ky është një luks i madh dhe janë shumë të entuziazmuar”.
Përgatiti për “Shëndet +”: Donjeta Zeqa/ Burimi: Daily Mail
