Përshtati në shqip për “Shendeti.com.al“: Blertina Koka
Në 12 rrethe të Greqisë është ndaluar dhurimi i gjakut për shkak të përhapjes së sëmundjes së malaries, raportojnë mediat lokale. Në këto vende janë regjistruar 65 raste të reja me malarie, ku personat janë infektuar në nënkontinentin indian dhe vendet afrikane.
Zonat e prekura shtrihen nga Peloponezi deri në Selanik. Rastet më të rënda të malaries në Greqi janë regjistruar katër vite më parë.
Por shkurtimet në buxhet për luftimin e mushkonjës që përhap malarien, janë bërë shkaku që sëmundja të riaktivizohej sërish.
Nga shkaktohet kjo sëmundje?
Malaria shkaktohet nga një parazit i quajtur “plasmodium”, i cili fillimisht fshihet në mëlçi dhe më pas shkon në enët e gjakut dhe infekton qelizat e kuqe të gjakut, që transmetojnë oksigjenin në të gjithë trupin. Ky parazit fillon të shumohet dhe të përhapet në qelizat e kuqe të gjakut çdo 48-72 orë, duke shkaktuar kështu temperaturë, ethe, djersitje.
Parazitët përhapen nga një person tek tjetri nga pickimi i mushkonjave.
Qendra greke për Kontrollin dhe Parandalimin e Sëmundjeve, thotë se vetëm prej mesit të muajit gusht në Greqi janë zbuluar 65 raste të malaries në krahasim me 85 gjatë gjithë vitit të kaluar.
- 4 raste janë infektuar brenda në Greqi
- 50 raste janë shënuar nga emigrantët e ardhur nga nënkontinenti indian ose shtetet afrikane
- 11 raste nga turistët e kthyer nga shtetet e prekur me malarie.
Burimi: BBC / https://shendeti.com.al/
