Katriona Finleison (Catriona Finlayson) është gruaja e parë në botë që ka bërë lindje natyrale ndërsa gjatë shtatzënisë ka përdorur pankreas artificial. Finleison lindi një djalë të shëndetshëm dhe e quajti Euan. Lindja u bë në Spitalin Universitar Norfolk, Britani e Madhe.
Ajo tha se ishte ende e “tronditur”nga ardhja në jetë e djalit ët saj. 3 nëna të tjera në Kembrixh kanë mundur të lindin edhe pse me pankreas artificial, por nëpërmjet operacionit, jo lindje natyrale.
Një sistem pankreasi artificial është një pjesë e vogël portative e dizenjuar për të kryer funksionin e pankreasit (kur ai nuk është i shëndetshëm). Kjo ndihmon për të kontrolluar nivelet e glukozës në gjak, duke përdorur teknologjinë dixhitale për shpërndarjen e insulinës.
Pacientja thotë se është tepër e kënaqur, “dua të shoh se si do të përfitojnë të gjithë njerëzit nga kjo pajisje në të ardhmen”.
Djali i saj është nën kujdes intensiv pasi nivelet e tij të sheqerit në gjak kanë qenë të ulta.
Trajtimi i diabetit gjatë shtatzënisë është tepër i vështirë, kjo për shkak se nivelet e hormoneve janë vazhdimisht në ndryshim, thotë dr. Helen Mërfi.
E rëndësishme është që gratë shtatzëna të prekura nga diabeti tashmë mund të përfitojnë nga teknologjia./BBC News/ Elena Beta
