Kryefaqja Aktualitet Hartohet projektligji i ri për të reduktuar ndotjen e ajrit

Hartohet projektligji i ri për të reduktuar ndotjen e ajrit

0
Shpërndaje

Parlamenti Evropian në Bruksel ka mbështetur së fundi një projektligj të ri për të eliminuar toksinat në ajër në mënyrë që të përgjysmohet numri i vdekjeve të parakohshme të shkaktuara nga ndotja.

Aktivistët e Mjedisit thanë se planet janë tepër konservative dhe kufijtë e propozuar mbi emetimet e ndotjes në ajër  janë tashmë mbi nivelet e sigurta të miratuara nga Organizata Botërore e Shëndetësisë.

Ndotja e ajritZbatimi pritet të jetë një sfidë ku do të përfshihen 28 vende anëtare të BE-së, të cilat janë tashmë në shkelje të ligjit ekzistues mbi ndotjen e ajrit, ndërkohë që skandali i “Volkswagen”-it ka tërhequr vëmendjen e publikut për emetimet e oksideve të azotit (NOx) të cilat i tejkalojnë nivelet zyrtare.

Ligji i ri, i cili ende ka nevojë për miratimin e shteteve anëtare, vendos kufizime kombëtare për ndotësit e mëdhenj të ajrit, duke përfshirë pluhurin dhe oksidin e azotit deri në vitin 2030.

Pas kundërshtimit nga lobimet bujqësore, seanca plenare e Parlamentit Evropian në Strasburg votoi për të përfshirë amoniakun dhe metanin, por përjashtoi metanin enterik  të emetuar nga kafshët ripërtypëse.

Të dhënat e Komisionit Evropian tregojnë më shumë se 400.000 vdekje të parakohshme në vit në Bashkimin Evropian, të cilat janë të lidhura me ndotjen e ajrit, që shkakton sëmundje të frymëmarrjes dhe disa forma të kancerit. Numri do të përgjysmohet nëse projektligji hyn në fuqi, thotë Komisioni.

Komisioneri i Mjedisit në BE,  Karmenu Vella, e cilësoi këtë nismë si “një hap pozitiv drejt një marrëveshjeje mbi rregullat e reja ambicioze realiste të BE-së.”

Aktivistët e Mjedisit thanë se anëtarët e Parlamentit Evropian kanë  humbur mundësinë për të shpëtuar më shumë jetë dhe për të reduktuar shpenzimet për shoqërinë.

“Me skandalin “Volkswagen”, i cili është ende i  freskët në mendjet e tyre, deputetët patën një mundësi të madhe për të ndërmarrë veprime mbi pastrimin e ajrit të Evropës”, tha Louise Duprez, zyrtar i lartë i politikave për ndotjen e ajrit në Byronë Evropiane të Mjedisit.

LËR NJË MESAZH

Please enter your comment!
Please enter your name here