Denisa Canameti
“Më shumë se 20 persona janë helmuar nga ushqimi që kanë konsumuar në një lokal në zonën e ish-Bllokut. Vetëm 10 prej tyre, që janë në gjendje më të rëndë, janë shtuar në spitalin infektiv në QSUT. 
Pjesa tjetër pasi ka marrë trajtim në urgjencë, është përcjellë për në shtëpi”. Kështu u shpreh për gazetën “Shëndet+” mjeku infeksionist Arjan Harxhi.
I pyetur për gjendjen e pacientëve të shtruar në pavion, mjeku thotë se pavarësisht se janë paraqitur me simptoma të rënda të helmimit, ata janë jashtë rrezikut për jetën.
Mësohet se Inspektorati Shtetëror Sanitar ka bërë bllokimin e menjëhershëm të lokalit në zonën e ish-bllokut deri në daljen e rezultateve përfundimtare të analizave.
Ndërkohë që burime nga Instituti i Shëndetit Publik janë shprehur për mediat se nga analizat paraprake rezulton se pacientët janë helmuar nga kontaminimi i ushqimit me salmonelë.
