Pas ngjarjes së rëndë të ditës së sotme në qytetin e Pukës, ku rreth 40 nxënës janë shtruar në spital pasi janë helmuar, ka reaguar Policia e Shtetit.
Nëpërmjet një njoftimi për shtyp, policia bën me dije se janë dezinfektuar ambientet e shkollës, dje me datë 03.10.2017 në orën 14:00 nga Shërbimi i Shëndetit Publik me klor në kuadër të dezinfektimit të Shkollave.
“Sot me datë 04.10.2017, pasi kanë filluar procesin mësimor kanë shfaqur probleme shëndetësore disa nxënës, të cilët kanë shkuar për ndihmë mjekësore në Qendrat Shëndetësore më të afërta.
Momentalisht bëhet me dije se janë 10 nxënës, nga të cilët kanë shkuar në Qendrën Shëndetësore në Rrëshen 3 fëmijë, në Qendrën Shëndetësore në Pukë 3 fëmijë, dhe në Qendrën Shëndetësore në Gjegjan 4 fëmijë, ku nuk paraqesin probleme për jetën
Nga ana Policisë po kryhen veprimet me grup hetimor për sqarimin e rrethanave të plota të kësaj ngjarje”, thuhet në njoftimin për shtyp.
Burimi: Balkan Web / Shendeti.com.al
