Nga Blertina Koka
Nëna Natyrë i ka bërë gjërat shumë më të thjeshta. Një virus shkatërrohet vetëm me një antivirus. Por në rastet e nevojës së një kure të menjëhershme kundër virozave, atëherë kërkoni në kuzhinë.
Gazeta “Shëndet+” ka listuar më poshtë disa nga llojet e çajit që mund t’ju ndihmojnë për t’i bërë ballë ftohjes dhe gripit.
Çaj kamomili me mjaltë
Pini çaj kamomili me mjaltë disa herë në ditë. Kamomili ka veti qetësuese dhe antiinflamatore, ndërsa mjalti është i njohur për vetitë e tij të dobishme kuruese. Konsumoni rreth 200 ml çaj kamomili me mjaltë çdo ditë.
Avulli i kamomilit: Jo vetëm çaji i kamomilit, por edhe avujt e tij në zierje e sipër mund të ndihmojnë në qetësimin e rrugëve të frymëmarrjes.
Çaji i sherbelës me mjaltë dhe lëng limoni
Çaji i sherebelës me mjaltë dhe lëng limoni mbetet një solucion shumë i mirë për gargar për bajamet e inflamuara dhe gryket e skuqura. Madje përdoret nga tenorët të ndryshëm për të përmirësuar performancën vokale.
Si të përgatisni lëng sherebele?
- 1 kupë e gjysmë gjethe sherbele të freskët
- 1 litër ujë
- 1 lugë gjelle mjaltë
- Lëng limoni (sipas dëshirës)
Përgatitja:
Zieni gjethet në ujë për rreth 15 minuta. Kullojini, derdheni lëngun në një shishe sterile dhe mbylleni mirë. Konsumoni nga një filxhan çdo ditë, duke shtuar pak mjaltë dhe shtrydhur limon.
Çaji i blirit
Lufton të ftohtin dhe gripin! Përveç nxitjes së djersitjes dhe uljes së temperaturës, lulja e blirit jep një kontribut të veçantë në luftimin e simptomave të të ftohtit, gripin, inflamacionit në gojë dhe traktin respirator. Çaji i lules së blirit të ndihmon edhe me kollën dhe fytin e trazuar, duke i dhënë fuqi sistemit imunitar.
Lulet e blirit ndihmojnë gjithashtu në qetësimin e trupit dhe në harmoninë psikofizike. Ja përse janë të mira në rastet kur dhimbja e kokës është e vazhdueshme. Mund të pihen sidomos në darkë, para se të shkoni për të fjetur.
