Shumë nga ndikimet e motit të ftohtë mbi shëndetin janë të parandalueshme nga veprimet e individit edhe për personat me sëmundje kronike.
Për të gjitha llojet e sëmundjeve kronike në mot të ftohtë është mirë të:
- Qëndroni në kontroll të vazhdueshëm me mjekun tuaj.
- Merrni në mënyrë të rregullt mjekimet tuaja
- Kryeni vaksinat antigripale në konsultim me mjekun tuaj.
- Rregulloni temperaturën e ambienteve të bredshme. Kujdesuni për izolimin e mirë të dritareve dhe dyerve për të zvogëluar humbjet e nxehtësisë me materiale të ndryshme izoluese. Temperatura ideale është 19-23 gradë C. Ajri në shtëpi shumë i ftohtë dhe shumë i thatë mund të jetë me pasoja për shëndetin tuaj.
- Ajrosni ambientet e brendshme disa herë gjatë ditës për të siguruar lagështinë e duhur si për rrugët e frymëmarrjes edhe për të ulur përqendrimin e mikrobeve në shtëpi. Helmimi me monoksid karboni është shumë i zakonshëm dhe mund të ketë pasoja vdekjeprurëse.
- Nëse ju përdorni ngrohje elektrike ose burime të tjera të ngrohjes (të tilla si borsa apo shishe me ujë të nxehtë) shmangi kontaktin e ngutshme me duart tuaja soe pjesë të ngryshme të trupit. Ose kujdes nga ngrohjet me dru apo gaz, pasi mund të çlirojnë gazra të dëmshme për organizmin.
- Kontrolloni temperaturën e trupit tuaj, bëni gjumë të mjaftueshëm.
- Mbani kontakte të shpeshta me familjarë, miq apo fqinjët tuaj.
- Merrni ushqime dhe pije të ngrohta, si supëra etj (të paktën 1,5 litër lëngje) duke shmangur alkoolin, sepse ai nuk ndihmon kundër të ftohtit: shall, dorashka, kapele, pallto apo xhup të ngrohtë, këpucë të përshtatshme.
- Dilni përjashta në kohën më pak të ftohtë të ditës: shmangni, nëse është e mundur, daljet në mëngjes herët dhe natën dhe shmangni sforcot fizike.
- Tregoni kujdes kur kaloni nga një ambient i ftohtë në një ambient të ngrohtë dhe e kundërta për të shmangur djersitjen apo ftohjen nëse dilni përsëri jashtë.
- Planifikoni udhëtimet për të minizuar ekspozimin ndaj motit të ftohtë. Nëse do të udhëtoni me makinë, shihni parashikimin e motit, kontrolloni gjendjen e përgjithshme të makinës.
- Mos harroni me vete ilaçet tuaja, veshje të ngrohta, batanije apo dhe pije të ngrohta. Mbushni kartën telefonike dhe mbani me vete kutinë e ndihmës së shpejtë.
