Ministria e Shëndetësisë dhe Mbrojtjes Sociale ka hapur sërish aplikimet për punësimin e infermierëve përmes platformës infermierepershqiperine.al. Sipas MShMS, janë 114 vende të lira pune ku kandidatët me profesion infermierë, teknikë laboratori, mami dhe teknik imazherie mund të aplikojnë, përkatësisht:
- 104 infermierë
- 7 teknikë laboratori
- 2 mami
- 1 teknik limazherie
Afati i mbylljes së aplikimeve është 25 qershor.
Në fillim të këtij viti Ministria hapi aplikimet për 420 vende të lira pune si infermierë, fizioterapistë dhe teknikë imazherie në të gjitha qendrat shëndetësore dhe spitalet publike, ku 3443 kandidatë nga e gjithë Shqipëria aplikuan për këto vende pune.
Ndonëse numri i aplikantëve ka qenë i lartë, në disa qytete vazhdon të ketë mungesë të punonjësve të këtyre profesioneve.
Gjeni në linkun më poshtë vendet vakante sipas profesionit dhe qytetit.
http://infermierepershqiperine.al/paaneli_aplikim_aplikant/vende-vakante/infermier_118/
