Infermierët edhe këtë vit kanë dalë më dobët në provimin e shtetit. Pavarësisht se ende nuk janë përpunuar rezultatet përfundimtare, pasi data e fundit e provimit është 28 janari, ata që janë testuar deri tani, kanë një 
kalueshmëri të ulët.
“Për infermierinë kemi të regjistruar 1265 kandidatë, ku 1039 janë pjesëmarrës dhe kalues janë vetëm 490 apo 47% e tyre. Mund të themi që jemi në të njëjtat statistika që kemi qenë në periudhën e majit të vitit të kaluar, pothuajse të njëjtat statistika në kalueshmëri janë dhe në periudhën nëntor- dhjetor”, thotë Heljona Miço, drejtoreshë e Provimeve të Shtetit.
Më mirë në testim, në bazë edhe të të dhënave statistikore që raportojnë përfaqësuesit e Agjensisë Kombëtare të Provimeve, janë mjekët, ku niveli i kalueshmërisë në këtë sezon ka qenë 91%.
