Insulina ka një kosto prej 5200 lekësh në farmaci, por prej vitesh ajo ofrohet me rimbursim nga qeveria. Në varësi të individit, gjatë një dite mund të përdoret 1 ose 4 pena, aq sa ka brenda një kuti. Përmes Ministrisë së Shëndetësisë, Shqipëria furnizohet me insulinë pa barkode nga tre kompani. Vetëm dy lloje ilaçi janë të pajisur me barkode, e cila është shenja identifikuese e medikamentit, ndërsa në llojin e tretë kjo shenjë mungon.
“Kam fëmijën me diabet. Problemi që kemi është se insulinat janë pa barkod, por askush nuk na jep një sqarim. Farmacistët thonë që kështu vijnë.” Ky është shqetësimi që ka ngritur prindi i një fëmije me diabet.
Gazetarët e “Shëndet plus” e kanë marrë këtë problematikë gjatë një aktiviteti që shoqata “Together for life” ka organizuar me pacientë, shoqata pacientësh, dhe përfaqësues institucionesh të pavarura. Për të lehtësuar procesin por edhe për ta paraqitur si praktikë, qytetarit i është kërkuar të bëjë plotësimin e anksesës, te institucioni i Avokatit të Popullit përmes një një letre me shkrim, pas asnjë detaj burokratik. Ndërkohë shkresa është marrë në dorëzim nga Lindita Xhillari -Ndihmëskomisionere që mbulon fushën e shëndetësisë pranë zyrës së Avokatit të Popullit.
Kjo situatë duket se përbën shqetësim më vete për të sëmurët me diabet.
