Qeveria ka vendosur të mbyllë shkollat dhe universitetet në të gjithë Italinë deri në fund të muajit mars, sipas një dekreti të fundit. Vendimi vjen pas përhapjes së koronavirusit në Itali, i cili ka shkaktuar deri tani 80 të vdekur.
Ndërsa për administratën publike është ka një urdhër mnisterial, sipas të cilit do të zbatohet “smart Working”, ose e ashtuquajtura punë nga shtëpia. “Administratat publike, duke pasur parasysh edhe urgjencën në lidhje me Coronavirus, inkurajon punën e zgjuar dhe nëse nuk ka kompjuterë të mjaftueshëm ose në çdo rast ekziston “pamundësia ose pamjaftueshmëria e furnizimit”, atëherë punonjësi “i cili e vë veten në dispozicion” gjithashtu mund të përdorni “pajisjet e veta” si kompjuter ose tabletë”, thuhet në qarkore.
Personave mbi 75 vjeç dhe mbi 65, të sëmurë u kërkohet të mos shkojnë në vende të mbushura me njerëz. Ky është një nga rekomandimet e Komitetit Teknik Shkencor të kërkuar nga Kryeministri italian Giuseppe Conte.
Gjithashtu u rekomandohet të gjithëve që të shmangin përqafimet dhe shtrëngimet e duarve, kur është e mundur, dhe të mbajnë një distancë prej një metri nga njerëzit e tjerë.
Ata me ethe do të duhet të qëndrojnë në shtëpi edhe nëse nuk kanë qenë në zona me rrezik. Masat kanë përfshirë të gjithë vendin për 30 ditë, por ato duhet të rivlerësohen çdo dy javë.
Është propozuar ndërkohë që të ndalohen të gjitha organizimet sportive për një muaj. Kjo masë do të rrezikonte, ndër të tjera, mbajtjen e kampionatit të futbollit në Serie A. Gjysmëfinalja e Coppa Italia Juventus-Milan, e planifikuar për të Mërkurën 4 Mars tashmë është shtyrë deri në një datë të mëvonshme. Ka të ngjarë që mund të vendoset që të mos ndalet kampionati i futbollit në Serie A (vendimi i takon Ligës), por të parashikohen vetëm ndeshje me dyer të mbyllura.
Gjithashtu propozohet shtyrja e të gjitha konferencave dhe të gjitha kongreseve, veçanërisht atyre që kanë të bëjnë me personelin shëndetësor dhe shërbimet, për ta vënë atë në dispozicion për emergjencën e Coronavirus. Një masë që qeveria është e gatshme të marrë.
Holanda nuk këshillon ndërkohë udhëtimet në Italinë e Veriut.
Sipas organizatës Botërore të Shëndetësisë, Coronavirus shkakton “një sëmundje më serioze se gripi sezonal: globalisht, afërsisht 3.4% e rasteve të raportuara Covid-19 kanë vdekur ndërsa gripi sezonal në përgjithësi vret shumë më pak se 1% të të infektuar ». OBSH e theksoi atë, duke sqaruar se “ndërsa shumë njerëz në mbarë botën kanë grumbulluar imunitet ndaj gripeve sezonale” ky “është një virus i ri ndaj të cilit askush nuk është imun”. “Ne kemi vaksina dhe terapi për gripin sezonal, por – shtoi OBSH – për momentin nuk ka vaksinë dhe asnjë trajtim specifik për Covid-19”.
Burimi: Monitor
