Ndër bishtajat e ndryshme, bizelet janë më efikaset për të mbajtur një linjë perfekte. Ato në të vërtetë përmbajnë pak amidon kur janë të freskëta, dhe pasi thahen janë të vetmet bishtaja që reduktojnë përqindjen e karbohidrateve, ndryshe nga ç’ndodh me fasulet, qiqrat e thjerrëzat.
Duke qenë produkte që i rezistojnë ngrirjes, përdoren edhe gjatë dimrit në gjellë e supa të ndryshme, por duke ditur që ushqimet e freskëta nuk kanë krahasim me ato të konservuara, rekomandohet të konsumohen të freskëta dhe në stinën e tyre.
Pjesët e përdorshme: kokrrat e bizeles, por amvisat e vërteta i ziejnë të paqëruara (duke i hequr lëvozhgat në fund të zierjes), pasi kështu jo vetëm që bëhen më të shijshme, por marrim disa minerale dhe vitamina që nuk gjenen tek kokrrat e bizeleve.
Këshilla për përdorim: si të gjitha bishtajoret, bizelet bëjnë pjesë tek “mishi i të varfërve”, përmbajnë pra proteina të mira sidomos të dobishme për fëmijët që merren me sport. Gjithashtu, falë sasisë së madhe së fibrave, janë të këshillueshme për të luftuar kapsllëkun.
Mund të bërdoren edhe si çaj, i cili ka efekte diuretike dhe çlodhëse. /Ciro Vestita, dietolog italian
