Përgatiti për www.shendeti.com.al: Elena Beta
Esenca e luleblirit përbëhet nga lulesa të thata të shoqëruara me braktene të blirëve të cilët janë drunj deri në 30 m të lartë, të kodrave dhe maleve.
Lulet e blirit përdoren në sëmundje të shkaktuara nga të ftohtët dhe që shoqërohen me temperaturë (rrufë, kollë, gëlbazë etj.) sepse shkaktojnë djersitje. Gjithashtu mund të përdopren në sëmundjet e fshikëzës urinare dhe të veshkave, për të përmirësuar çrregullimet e stomakut, si dhe për të lehtësuar dhembjet apo gjumin.
Një lugë supe me lulebliri hidhet në 1 gotë me ujë të sapovaluar, ena mbulohet me kapak dhe lihet 5-10 minuta duke e tundur herë pas here, pastaj lëngu kullohet dhe pihet i ngrohtë.
Merren disa doza të tilla gjatë ditës.
Në vende të thata esenca ruan veprimin e vet për 2 vjet.
Çaji i nxjerrë nga lulet e blirit mund tju ndihmojë edhe në kurimin e diarresë!
Përzieni 30gr të lules së blirit dhe kamomilit dhe nga 10gr të lules së trëndafilit në gjysmë litri ujë të valë, e mbuloni dhe pas një ore e pini.
Burimi: healthyfood / shendeti.com.al
