Edhe pse dalja e thinjave është diçka që do vijë me kalimin e viteve, ekzistojnë disa faktorë që ndikojnë në daljen e tyre më parë si gjenetika, stresi, mënyra e jetesës etj. Në këtë postim do t’ju paraqesim disa mënyra se si të minimizoni dukjen e thinjave.
Rozmarina: nëse keni flokë të errët, bëni një çaj me 4 lugë rozmarinë dhe 1 litër ujë. Lajeni kokën me lëngun e krijuar 3 herë në javë dhe ngjyra e flokëve tuaj do të forcohet.
Kamomili dhe shafrani i Indisë: këto dy erëza janë për femrat bionde. Në 1 litër ujë shtoni 4 lugë kamomil ose shafran Indie dhe shpërlajeni kokën me këtë lëng sa herë që të laheni (do të ishte e këshillueshme 3 herë në javë).
Avokado me vaj kokosi dhe vaj argani: përzieni 3 përbërësit derisa të përftohet një masë homogjene. Me maskën e krijuar masazhoni flokët dhe mbajini për 30 minuta. Shpërlajeni kokën me ujë të ngrohtë. Përdoreni këtë maskë 1 herë në javë dhe pas 3 muajsh do të vini re disa ndryshime të dukshme.
Vezë me gjethe arre dhe rozmarinë: miksoni këta përbërës në një blender derisa të përftohet një masë homogjene dhe mbajeni në kokë për 30 minuta. Shpërlajeni kokën me ujë të ngrohtë. Kjo maskë mund të përdoret 1 herë në javë.
Përshtati në shqip për “Shëndet+”: Daniela Bardhi
