Përshtati në shqip për gazetën “Shëndet+”: D.Bardhi
Gjatë gjumit, fyti dhe goja thahet, prandaj është mirë që gjëja e parë që duhet të bëni në mëngjes është të konsumoni një gotë ujë. Nëse pini shumë ujë gjatë ditës, atëherë do të merrni përfitime të shumta në shëndet. Uji luan një rol shumë të rëndësishëm në funksionimin e duhur të trupit, ai ju hidraton dhe përmirëson shëndetin e përgjithshëm.
Ja pse duhet të pini një gotë ujë menjëherë sapo të zgjoheni në mëngjes:
Pas 7-8 orëve gjumë fyti, goja dhe trupi thahet. Prandaj është shumë e rëndësishme që të hidratoheni sapo të zgjoheni. Një gotë ujë esëll do t’ju ndihmojë të rritet fluksi i oksigjenit në gjak dhe ndihmon në prodhimin e muskujve dhe qelizave të kuqe të gjakut.
Përshpejton metabolizmin: konsumimi i një gote ujë në mëngjes do të rrisë metabolizmin deri në 24%, gjë e cila do t’ju ndihmojë të mbani një peshë të qëndrueshme.
Heq toksinat nga trupi: kur pini ujë para se të hani mëngjes, ai do t’ju ndihmojë të pastroni zorrën e trashë dhe do të lejojë lëndët ushqyese të absorbohen më shpejt. Veshkat do të funksionojnë më mirë gjithashtu.
Përmirëson funksionin e trurit: kur jeni të dehidratuar, truri e ul aktivitetin normal të tij. Kjo mund të ju bëjë të ndiheni më të lodhur, të stresuar me dhimbje koke dhe do të përjetoni luhatje humori gjatë ditës.
Do të qëndroni më i ngopur: uji mbush stomakun. Pirja e një gote të madhe uji në mëngjes, para konsumimit të ushqimit do t’ju bëjë të ndiheni të ngopur për orë të gjata.
Ja sa % ujë përmbajnë organet tuaja:
Muskujt – 75%
Gjaku – 82%
Mushkëritë – 90%
Truri – 76%
Kockat – 25%
Burimi: Choose Healthy Life
