Përshtati në shqip për gazetën “Shëndet+”: Daniela Bardhi
Kanceri i mushkërive është një nga format më të përhapura të kancerit si tek femrat ashtu edhe tek meshkujt. Sipas Institutit Kombëtar të Kancerit në SHBA, kanceri i mushkërive është kanceri më i përhapur në mesin e njerëzve. Megjithatë duke qënë të vetëdijshëm për shkaktarët që çojnë në kancer të mushkërive, ju do të njihni simptomat e para paralajmëruese dhe mund ta parandaloni atë.
Ja disa nga faktorët që ndikojnë në kancerin e mushkërive:
Pirja e duhanit: rreth 90% e pacientëve që janë diagnostikuar me kancer të mushkërive kanë qënë konsumues të rregullt të duhanit.
Ndotja e ajrit: ekspozimi i tejzgjatur në ajër të papastër rrit shancet e zhvillimit dhe agravimit të kancerit të mushkërive.
Përdorimi i asbestit: përdorimi i kësaj lënde është i ndaluar në pjesën më të madhe të botës, për shkak të kimikateve të rrezikshme që përmban. Kimikatet dhe substancat e tjera si arsenik, kadmium, oksid dhe nikel përbëjnë rrezikshmëri për kancerin e mushkërive gjithashtu.
Trashëgimia: gjenetika është një nga faktorët që ndikon gjithashtu në shfaqjen e kancerit.
Sëmundjet respiratore të mushkërive
Mosha: sipas studimeve, pothuajse 70% e individëve të diagnostikuar me kancer të mushkërive janë mbi moshën 65 vjeç, kurse njerëzit nën moshën 45 vjeç kishin rreth 3% shance për t’u prekur nga kanceri i mushkërive.
Shenjat e para paralajmëruese të kancerit të mushkërive:
- Kollë e thellë vazhdueshme që është prezente për një kohë të gjatë
- Vështirësi në frymëmarrje dhe shtrëngime në gjoks
- Dhimbje kockash, në shpatulla dhe në pjesën e kurrizit
- Ndryshimet dhe trashja e papritur e zërit që vazhdon për një kohë të gjatë
- Infeksionet e vazhdueshme në rrugët e frymëmarrjes
- Rënia drastike në peshë, lodhje dhe dobësi e vazhdueshme
Nëse vëreni dy ose më shumë nga simptomat e përmendura që vazhdojnë për një periudhë të gjatë kohore, duhet të konsultoheni menjëherë me mjekun
- / shendeti.com.al / Burimi: realfarmacy
