“Revista e Shëndetësisë” (Health Magazine) thotë se nuk është më një ëndërr nëse hani ushqime të mira e të shijshme dhe të bini në peshë. E gjitha ajo çfarë duhet të bëni, është të konsumoni rreth 1350 kalori në ditë dhe ju mund të hidhni poshtë rreth 4 kg në 2 javë. Ju duhet t’i llogarisni dhe t’i shpërndani mirë këto kalori në 3 vaktet kryesore.
Mëngjesi: konsumoni rreth 400 kalori
Ide mëngjesi me kaq kalori:
Omletë me perime: Në një tigan hidhni një lugë çaji vaj ulliri ekstra të virgjër dhe më pas hidhni 2 vezë të mëdha. Shtojini omletës pak djathë mocarela gjatë gatimit. Pasi e keni vënë në pjatë omletën mund t’i shtoni disa feta domatje të freskët, rigon, 1 lugë uthull balsamime, pak kripë dhe disa gjethe borziloku për zbukurim.
Sanduiç me nektarinë dhe gjalp kikiriku: ky vakt ka rreth 210 kalori. Prisni nektarinat në rrathë dhe lyejni me nga një lugë gjalp kikiriku, shtojini një sasi të vogël pluhur xhenxhefili.
Dreka dhe darka – konsumoni rreth 400 kalori në secilin vakt
Ide për këtë vakt: linguine speci me pesto; sushi dhe sallatë etj.
Ju mund të konsumoni ushqime të tjera të shëndetshme që përmbajnë këto kalori që ju përmendëm dhe mund të bini në peshë në mënyrë të shëndetshme.
Përshtati në shqip për “Shëndet+”: Daniela Bardhi/ Burimi: HealthMagazine
