Përshtati në shqip: Kesilda Gjoka
Dhimbjet e kokës janë përshtatur mirë edhe me zhvillimin e teknologjisë. Mjekët kanë gjetur shumë shkaktarë të këtyre dhimbjeve që lidhen me epokën e re të teknologjisë.
Në botën e simptomave mjekësore, dhimbja e kokës është një nga simptomat më të keqinterpretuara të sëmundjeve. Dhimbja e kokës injorohet shpeshherë nga pacientët, të cilët trajtohen me ilaçe pa rekomandimin e mjekut. Ata preferojnë më shumë të marrin ilaçe se sa të bëjnë një vizitë te mjeku për të gjetur shkaktarin e dhimbjes së kokës.
Ilaçet pa recetë nuk kurojnë shkakun rrënjësor të dhimbjes së kokës, por vetëm e lehtësojnë dhimbjen. Ajo çfarë nuk e dinë pacientët është që dhimbja e kokës mund të jetë vetëm maja e ajsbergut. Ndonëse dhimbja ndjehet në qafë, shkaku kryesor mund të jetë në një pjesë tjetër të trupit.
Gjëja më e keqe që mund të bëni është të injoroni dhimbjet. Më poshtë keni mënyrat e identifikimit të llojeve të dhimbjes së kokës.
Dhimbja e kokës për shkak të kompjuterit
Me zhvillimin e teknologjisë vjen dhe dhimbja e kokës më e përhapur, ajo për shkak të kompjuterit. Kjo ndodh kur ekspozohemi vazhdimisht ndaj dritës së fortë të kompjuterit dhe pajisjeve elektronike.
Simptomat e saj janë dhimbja e kokës, marramendje, shikim i turbullt, dhimbje në qafë, sy të kuq dhe vizion i dyfishtë. Trendi mes punonjësve në ditët e sotme është ekspozimi para dritës së kompjuterit gjatë 7-8 orarëshit të punës dhe ekspozimi ndaj dritës së pajisjeve elektronike, si telefoni në pjesën tjetër të ditës. Sforcimi nga ky lloj stili jetese shkakton dhimbjen e kokës.
Dhimbja e kokës për shkak të qafës
Kur dhimbja shfaqet nga pjesa e prapme e qafës, mes pjesës së sipërme të qafës dhe kafkës, e klasifikuar si dhimbja e kokës për shkak të qafës. Është quajtur kështu për shkak të vendndodhjes. Shkaktari i kësaj dhimbje është dhe qëndrimi i gabuar.
Artriti i qelizave gjigante
Kjo ndodh kur dhimbja është shkaktuar nga inflamacioni në veshjen e brendshme të arterieve. Arteriet rreth tempujve të kokës janë ato të cilat preken zakonisht. Një tjetër emër është dhe artriti i përkohshëm.
Në 2005 është publikuar një sistem klasifikimi të dhimbjeve të kokës nga Shoqata Ndërkombëtare e Dhimbjes së Kokës, e cila është përdorur për të identifikuar llojet e dhimbjes së kokës dhe metodat e trajtimit./ Shendeti.com.al
