Siç dihet tashmë, veshkat janë një pjesë vitale e trupit tonë dhe ndihmojnë në eleminimin e toksinave dhe kripës së tepërt nga trupi. Në mënyrë që veshkat të funksionojnë mirë, ato duhet të pastrohen shpesh, përmes një ushqyerje të shëndetshme dhe kurave natyrale që nuk kanë efekte anësore. Kjo për arsyen se veshkat thithin kripërat dhe toksinat me kalimin e kohës dhe i kthejnë ato në rërë apo në gurë. Ju duhet t’i shmangni këto depozita të dëmshme sepse ju shkaktojnë probleme shëndetësore dhe dhimbje të rënda. Ja një kurë natyrale që do t’ju shërbejë për të pastruar gurët në veshka:
Përbërësit: 1 tufë majdanoz dhe ujë.
Përgatitja dhe përdorimi: valoni ujin me majdanozin për 10 minuta. Më pas, hiqeni ujin nga zjarri dhe lëreni të ftohet. Filtrojeni lëngun e majdanozit me anë të një garze dhe futeni në një shishe qelqi. Përzierja duhet të konsumohet e ftohtë, një gotë në ditë. Pas disa ditësh konsumi të rregullt, urina do të ndryshojë. Ky ndryshim vjen si rezultat i proçesit të trupit që bën për eleminimin e toksinave dhe depozitave të tjera nga veshkat.
Kujdes! Edhe pse ky lëng është plotësisht natyror duhet të shmanget përdorimi i tij nga gratë shtatzëna.
Përshtati në shqip për “Shëndet+”: Daniela Bardhi/ Burimi: healthyfoodteam
