Evgjeni Harizi, 1000 receta gatimi
Bukëvalja përgatitej një javë para kreshmëve dhe ndahej nëpër komshi, pasi të nesërmen fillonin kreshmët e pashkëve dhe nuk duhej të haheshin ushqime me gjalpë e djathë gjatë gjithë atyre ditëve.
Për bukëvale përgatitet bukë me brumë. Për këtë me ujë të vakët e kripë zihet me 1/3 e sasisë së miellit një brumë si i petullave. Mbulohet në vend të ngrohtë dhe lihet të vijë. Pastaj brumi i ardhur përzihet me pjesën tjetër të miellit dhe bëhet një brumë pak i fortë.
Brumi hidhet në tavë, lihet të vijë, piqet dhe tharmohet. Përzihet me gjalpë e djathë dhe vihet në pjatë ose pjatancë në formë kodre.
Në disa krahina përgatitet dhe me sheqer, në këtë rast nuk i hidhet djathë dhe quhet drobe.
Ju bëftë mirë!
