Japonia para pak ditësh hoqi gjendjen e jashtëzakonshme ndaj pandemisë së Covid-19. Rreth 61 për qind e popullsisë në Japoni është vaksinuar kundër Covid-19 me dy doza.
Qeveria japoneze ka përditësuar të dhënat mbi aktivitetet e vaksinimit si pjesë e luftës kundër pandemisë. Që nga 4 tetori, afërsisht 90,2 milionë qytetarë, që korrespondon me 71,3 për qind të popullsisë që jetojnë në vend, u vaksinuan kundër virusit.
Gjithashtu është përfunduar vaksinimi me dozë të dyfishtë të afërsisht 77,1 milionë njerëzve, që korrespondon me 60,9 për qind të popullsisë. Qeveria japoneze synon të përfundojë vaksinimin e qytetarëve vullnetarisht deri në fund të këtij muaji ose në fillim të nëntorit.
