Jeni mbipeshë? Doni të dobësoheni dhe të arrini format dhe peshën tuaj ideale? Përfitoni nga mundësia më e mirë e ofruar nga “Te Stela Resort” në bashkëpunim me gazetën “Shëndet+”.
Tre persona do të kenë mundësinë e ndjekjes nga kuzhina e resortit “Te Stela”, si dhe trajnerët personalë të “Sport Center” për të arritur këto rezultate. E gjitha kjo do të ofrohet FALAS, ndërsa këta tre persona do të paraqiten rregullisht në resort, duke qenë gjatë gjithë kohës nën përkujdesjen e specialistëve të qendrës.
Trajtimi do të vazhdojë për nëntë javë, ku ushqimi dhe ushtrimet do të jenë të kuruara në çdo detaj nga kuzhina dhe trajnerët e “Te Stela Resort”.
Gjithashtu, për pjesëmarrësit në këtë program do të ofrohet mundësia e analizave FALAS nga Spitali Europian.
Gjithë ecuria e programit do të ndiqet dhe do të publikohet çdo javë në website-n shëndetësor www.shendeti.com.al dhe gazetën “Shëndet+”.
Në fund të nëntë javëve të trajnimit, përveç kryerjes së analizave shëndetësore, tre pjesëmarrësit do të kontrollohen edhe nga dermatologët, lidhur me gjendjen e lëkurës së tyre (shpesh delikate për shkak të dietave), për të siguruar kështu efektshmërinë e trajtimit të kryer.
Të gjithë të interesuarit mund të dërgojnë të dhënat për veten e tyre në adresën e e-mailit info@shendeti.com.al. Personat e përzgjedhur do të njoftohen brenda datës 30 korrik.
