Drejtori i spitalit të Rrëshenit, Pjetër Ndoj, ka dhënë dorëheqjen, teksa mësohet të ketë cilësuar si shkak presionin për të hequr 
nga puna 30 punonjës. Ndërkohë sot, pas njoftimeve për shkurtimeve në këtë spital, punonjësit kanë nisur protestat. Mësohet se infermierët dhe sanitarët e spitalit kanë ndërprerë punën duke protestuar kundër vendimit, që e cilësojnë të padrejtë.
Për mediat, Ndoj ka thënë se “nuk mund të shkarkonte këta punonjës me të cilin punon prej 30 vitesh”. Nga ana e vet, punonjësit thonë shkurtimet janë të panevojshme pasi në këtë spital ka shumë pacientë.
