Disa njerëz ndikohen nga temperaturat e ftohta më shumë se të tjerët. Ka disa faktorë që ndikojnë, duke përfshirë edhe moshën tuaj.
“Në veçanti, të moshuarit e humbasin nxehtësinë e trupit më lehtë,” thonë studiuesit.
Disa kushte mjekësore, si hipotiroidizmi dhe diabeti, mund të ndikojnë gjithashtu në të ftohtin që ndjeni. Edhe disa ilaçe si, medikamentet për presionin e gjakut, qetësuesit dhe ilaçet psikiatrike, mund të rrisin ndjenjën e të ftohtit.
“Ka shumë efekte anësore të medikamenteve që mund të ndryshojnë shkallën tuaj metabolike dhe të ndryshojnë mënyrën se si gjaku rrjedh nëpër enët tuaja,” shpjegojnë mjekët.
Për më tepër, të kesh një përqindje të ulët të yndyrës në trup rrit shanset që të ndikoheni nga moti i ftohtë.
“Është më pak një shtresë izoluese për nxehtësinë e trupit,” sqarojnë specialistët e mjekësisë.
Të kesh një metabolizëm më të ngadaltë mund të ndikojë gjithashtu në ndjeshmërinë ndaj të ftohtit.
Së fundmi, të gjithë kanë një përgjigje fiziologjike dhe psikologjike ndaj të ftohtit – do të thotë se si e ndjeni temperaturën dhe ndiheni për të.
Interpretimi i trupit për të ftohtin ndryshon. Disa njerëz janë thjesht më të ndjeshëm ndaj tij.
Rregullimi i temperaturës është serioz. Mosmbajtja e temperaturës normale të trupit në mot të ftohtë ju vë në rrezik hipotermie. Simptomat e hipotermisë mund të përfshijnë dridhje, konfuzion, ndjesi lodhje, ulje të koordinimit dhe ekuilibrit dhe të folur të paqartë.
Çfarë duhet të bëni nëse jeni të ndjeshëm ndaj të ftohtit:
- Vishuni sipas motit
- Ushtroni rregullisht
- Pini pije të ngrohta
- Hani diçka
- Bëni dush
Nëse ndiheni sikur është e vështirë të qëndroni ngrohtë pavarësisht se çfarë bëni rekomandohet konsultë me mjekun. Mund të ketë një arsye pse ndjeni shumë të ftohtë, që ka nevojë për kujdes mjekësor.
