Marjena Sallaku
Numri i të infektuarve me Covid-19 po vazhdon me ritme të larta edhe në vendin tonë, ku konkretisht ditën e sotme janë raportuar nga Instituti i Shëndetit Publik 76 raste të reja.
Në kuadrin e fushatës edukuese dhe sensibilizuese për respektimin e masave të nevojshme, Ministrja e Shëndetësisë dhe Mbrojtjes Sociale, Ogerta Manastriliu publikon vazhdimisht video këshilluese/edukuese/informuese nga mjekë dhe specialistë të fushës.
Ditën e sotme përmes mjekut obstetër- gjinekolog, Dr. Astrit Bimbashi nga materniteti “Koço Gliozheni”, Ministrja fton të gjithë qytetarët që të respektojnë distancën, përdorimin e maskës në ambientet publike dhe ruajtjen e higjenës personale.
“Shoh grumbullime nëpër klube, restorante, nëpër pazare, grumbullime jashtëzakonisht të mëdha dhe shumë afër njëri-tjetrit! Dua t’ju them qytetarëve që kështu rrezikojnë në radhë të parë prindërit, fëmijët dhe veten e tyre” – Ju lutem dëgjoni mesazhin e prof. Astrit Bimbashit nga Materniteti ‘Koço Gliozheni’.
Respektoni distancën 1.5 metër
Vendosni maskë në çdo ambient të mbyllur dhe kudo ku nuk e ruani dot distancën fizike
Mbani higjienën personale dhe kolektive
#RuaniShëndetin
Bashkë kundër COVID-19”- mbyll kështu postimin e saj ministrja.
