Përgjigjja nga pediatri Polikron Çelo:
Meqë zhvillohet ngadalë, fillimisht në shumë raste nuk tërheqin vëmëndje. Zbehja për shembull në shumicën e rasteve më tepër tërheq vëmendjen e të tjerëve dhe të mjekut sesa të familjarëve të cilët duke e parë çdo ditë nuk u bën përshtypje ose e justifikojnë se është bardhosh, se nuk e zë dielli, i ngjan dikujt etj.
Ja disa nga shenjat që duhet të ngjallin dyshime: zbehja, mungesa e oreksit, humbja e gjallërisë dhe e interesit për lodrat, lodhja në dukje pa shkak dhe ngadalësimi i shtimit në peshë. Në format më të përhapura dhe dhimbjet e kokës, humbja në peshë, rrahjet të shpeshta të zemrës, mosngopje me frymë mbas sforcimeve.
Si vërtetohet?
Mjafton një vizitë tek mjeku i cili fillimisht këshillon analizën e gjakut për hemoglobinën, eritrocite, hematokritin dhe nivelin e hekuri në gjak.
