Jam 19 vjeç dhe kam patur marrëdhënie pa mbrojtje në kohën e ovulacionit. Cikli më erdhi dy ditë më herët dhe ditën e parë kisha vetëm disa pika gjaku, ndërsa ditët më pas vetëm pak dhe njolla kafe. Kohët e fundit kam shtuar dhe në peshë, ndihem e fryrë, kam dhimbje koke dhe ndiej nevojë për të vjellë. A ekziston mundësia të kem mbetur shtatzënë?
Përgjigjet Lindita Myzyri, mjeke gjinekologe në Qendrën Shëndetësore Nr.3, Tiranë.
Duhet të bëjë patjetër një test shtatzënie. Nga përshkrimi mund të them se ekziston me 80% mundësia që vajza të jetë shtatzënë. Kjo sepse ka bërë jetë seksuale në kohën e ovulacionit dhe cikli nuk i ka ardhur normalisht. Duhet të bëjë patjetër një test, eko apo vizitë gjinekologjike./ Shendeti.com.al
