Elena Beta, gazeta “Shendet +”
Kampi veror “Kundër Gjuhes se Urrejtjes”, organizuar nga Qendra Rinore ‘Epoka e Re’ Fier dhe i financuar nga Keshilli i Europes u mbajt në datat 05-10 Shtator 2016, në plazhin e Zvernecit, Vlorë.
Ky kamp që mblodhi një numër të madh të rinjsh për disa ditë me rradhë, kishte në fokus “Lëvizjen Kundër Gjuhës së Urrejtjes” dhe synimi kryesor ishte ta luftonte atë përmes edukimit të të rinjve mbi të drejtat e njeriut. Të rinjtë që morrën pjesë në kamp vinin nga qytete të ndryshme të Shqipërisë dhe patën mundësinë të trajnohen lidhur me tema si: Demokracia dhe pjesmarrja, diskriminimi, barazia gjinore dhe aktivizmi rinor.
“Pritshmëritë që ne si qëndër kishim lidhur me angazhimin dhe përfshirjen e të rinjve pjesëmarrës në kamp mund të them se u tejkaluan. Gjatë ditëve të kampit u vu re një bashkëpunim shumë i mirë në mesin e pjesëmarrësve dhe interes në të gjitha sesionet që u mbajtën nga trajnuesit.
Qëllimi i organizimit të këtij kampi ishte që këta të rinj, përveç angazhimit dhe njohurive të reja, të shperndajnë fushaten “No hate speech” në qytet e tyre si Roskoveci, Fieri, Lushnja, Balleshi, Skrapari, Vlora, Berati apo Kuçova ku mudn të themi se nevoja për parandalimin e gjuhës së urrejtjes është e madhe”, tha për gazetën “Shëndet+” Brisida Hasaj, koordinatore e programit si dhe pjesë e stafit të Qendrës Rinore ‘Epoka e Re’ Fier.
