Përgjigjja nga specialisti i ISHP-së, Alban Ylli:
Mbi 90% e vdekjeve nga kanceret janë përgjithësisht mbi moshën 50 vjeç. Megjithatë, disa kancere mund të shfaqen më herët në jetë, si psh: disa kancere të gjakut apo të limfës. Kanceri i qafës së mitrës gjithashtu mund të fillojë që në moshat 30 apo 40 vjeç. Kanceri i gjirit mund të fillojë në të 50-tat etj. Nga ana tjetër, disa kancere, si p.sh.: kanceri i prostatës fillojnë zakonisht në moshat e vjetra, mbi 70 vjeç.
Ka disa raporte sporadike lidhur me prirje për ulje të moshës mesatare të diagnozës për disa kancere, por ende të dhënat janë të pamjaftueshme për të konfirmuar një dukuri të tillë. Me shumë gjasë kjo mund të jetë një reflektim i ndërgjegjësimit më të madh në popullatë dhe përmirësimit të diagnozës së hershme.
