Vëzhgimet e kryera nga ekspertët e shëndetit publik kanë treguar se krahas faktorëve të tjerë në përhapjen e kancerit të mushkërive luan rol edhe 
ekspozimi profesional. Të dhënat e raportuara nga autoritet shëndetësore vënë në dukje se profesionet më të rrezikuara janë: punonjësit e ndërtimit, bujqit, punëtorët transportues, mekanikët dhe montuesit.
Rreziku për sëmundjen është më i madh tek ata, të cilët njëkohësisht janë edhe duhanpirës. Vëzhgimi tregon më tej se burrat sëmuren pesë herë më shpesh nga Kanceri i mushkërive, në krahasim me gratë dhe kjo lidhet me shprehinë e pirjes së duhanit.
Te meshkujt, sëmundja më shpesh shfaqet në dekadën e gjashtë dhe të shtatë të jetës, ndërsa te gratë, nuk ekziston mbizotërim i një moshe të caktuar grupore. Kanceri i mushkërive më tepër paraqitet te popullata qytetare në krahasim me atë fshatare. Gjithashtu edhe mosha në të cilën fillohet pirja e duhanit, është shumë e rëndësishme për shfaqjen e kësaj sëmundje, sa më herët të nisë pirja e duhanit aq më të shumta janë edhe mundësitë e shfaqjes së sëmundjes.
