Nevila Lengu, mjeke gastrohepatologe pranë Poliklinikës së Specialiteteve Nr.1 në kryeqytet
Një prej problemeve më të rënda me të cilat përballet aparati tretës në organizmin e njeriut është kanceri i zorrës së trashë. Krahasuar me tumoret e tjera, renditet i dyti në listë për sa i përket vdekshmërisë, me një incidencë lehtësisht më të rritur tek meshkujt krahasuar me femrat.
Kanceri kolorektal, për nga vetë emri, është një patologji malinje që prek zorrën e trashë. Sipas statistikave botërore, renditet si tumori i dytë malinj pas kancerit të prostatës tek meshkujt dhe i treti tek femrat pas tumoreve të gjoksit.
Disa nga faktorët që e predispozojnë kancerin kolorektal?
- Mosha – Pas moshës 50 vjeç disafishohet rreziku për të bërë kancer të zorrës së trashë.
- Raca – Është parë që raca e zezë preket më shumë se sa raca e bardhë, ndërkohë që duke i parë në rangun e shpërndarjes botërore, pjesa aziatike dhe afrikane janë më të prirur për të bërë kancer kolorektal.
- Historia familjare/ faktorët gjenetikë – Personat me histori familjare janë disa herë më të predispozuar për të zhvilluar kancer kolorektal.
- Jeta sedentare – Personat pasivë janë më të predispozuar se ata që merren me aktivitete të vazhdueshme.
- Dieta – Konsumi i yndyrave, ushqimeve të konservuara, mishi i kuq, alkooli, duhani etj, akuzohen si ndikues.
- Obeziteti – Njerëzit obezë janë me të rrezikuar për shfaqjen e kancerit të kolonës se sa ato normalë.
- Sëmundjet inflamatorë të zorrës. Këtu bëjnë pjesë dy patologji, Morbus Crohn dhe koliti ulceroz./ Shendeti.com.al
