Afati i vlefshmërisë së librezave të shëndetit skadon më 30 prill. Pas kësaj date çdo individ do të përfitojë vizita falas dhe do të përfshihet në sistemin mjekësor vetëm me kartë shëndeti.
FSDKSH bën me dije se pas datës 30 prill në të gjitha institucionet shëndetësore në vend nuk do të shërbehet për qytetarët e pa pajisur me kartë shëndetit. Qytetarët duhet të paraqiten në sportelet e FDSKSH-ës ose të aplikojnë përmes portalit www.ealbania.al për t’u pajisur me këtë dokument.
Karta e Shëndetit është dokumenti i vetëm identifikues pranë dhënësve të shërbimit i kategorive të përfitimit për të gjithë popullsinë. Sipas të dhënave të marra nga institucioni, gjatë vitit 2015 janë shpërndarë rreth 692500 karta. Ndërsa këtë vit, deri në fillim të prillit, janë shpërndarë 539 998 karta shëndeti dhe rreth 6955 të tilla janë lëshuar online./ https://shendeti.com.al/
