Kush nuk do të dëshironte të kishte flokë të gjatë dhe të shëndetshëm? Funksionet e parregullta trupore, stresi, mjedisi, stina etj janë disa nga faktorët kryesorë që ndikojnë në rënien e flokëve. Megjithëse ekzistojnë produkte të ndryshme kozmetike për të menjanuar rënien e flokëve, ato shumicën e rasteve nuk e kryejnë këtë funksion. Ja disa këshilla natyrale që ndihmojnë në parandalimin e rënies së flokëve:
Kura me vaj ulliri të ngrohtë: mënyra më e mirë për të sjellë në jetë flokët e thatë dhe të dëmtuar është t’i trajtoni ato me 2 lugë vaj ulliri të ngrohtë. Masazhojeni kokën me vajin e ullirit 3 herë në javë dhe do të keni rezultate të dukshme në forcimin e flokëve.
Vaji i kokosit: për të ushqyer flokët dhe për t’i bërë ato më të fortë përdorni vaj kokosi. Ngroheni vajin në temperaturë mesatare dhe masazhoni kokën për disa minuta. Vaji i kokosit është antibakterial dhe antifungal dhe ndihmon në problemet e flokëve. Ai është shumë efektiv edhe për kurimin e zbokthit.
Lëngu i qepës: lëngu i qepës është përdorur gjërësisht për kurimin e një sërë sëmundjesh. Pini lëng qepe çdo ditë esëll në mëngjes dhe do të keni rezultate të dukshme në forcimin e rrënjës së flokëve. Për rezultat më të shpejtë shpërlajeni kokën me lëngun e qepës sa herë që bëni dush.
Kosi natyral: maskat që kanë në përbërje kos do të ndihmojnë në mënjanimin e rënies së flokëve. Përzieni kos me vaj ulliri dhe masazhoni kokën 2 herë në javë. Kosi shërben edhe si “acid” për menjanimin e zbokthit.
Menjanoni stresin: stresi është një nga faktorët kryesorë që kontribuon në rënien e flokëve. Ajo çfarë duhet të bëni është të qetësoheni duke medituar apo në ndonjë mënyrë tjetër.
Përshtati në shqip për “Shëndet+”: Daniela Bardhi
