Cilat rroba (që janë në kontakt me lëkurën) “këshillohen” të përdoren gjatë dimrit, rrobat e leshta apo të pambukta? Pse dhe si ndikojnë në lëkurë?
Mjekja dermatologe, Violeta Dajci, thotë se “rrobat e leshta janë të ngrohta dhe më të përshtatshme për periudhën e ftohtë. Ato janë përçues të këqij të nxehtësisë dhe në këtë mënyrë nuk lejojnë humbjen e saj nga organizmi dhe pengojnë depërtimin e temperaturave të ftohta drejt tij. Nga ana tjetër, kanë veti irrituese dhe alergjizuese kur vishen në kontakt me trupin e njeriut (japin të kruara dhe skuqje).
“Rrobat e pambukta në këtë periudhë rekomandohen të vishen në kontakt me trupin ose poshtë të leshtave, nga të gjitha moshat. Ato janë të buta, nuk irritojnë dhe duke përçuar mirë nxehtësinë, ruajnë mjaft mirë balancën mes trupit dhe rrobës së leshtë”.
