Nga dermatologia Violeta Dajçi
- Hidratoni lëkurën me vajra ose kremra të thjeshtë, sipas mundësive ekonomike, sidomos pas dushit.
- Përdorni kremra antistrija një ose dy herë në ditë, duke e masazhuar atë lehtë për disa minuta në zonat e riskuara. Masazhi rrit qarkullimin e gjakut dhe ndihmon në përthithjen më mirë të kremit.
Merruni me sport dhe ushtrime fizike, kur kuptoni që po shtoni në peshë në mënyrë të shpejtë.- Gjatë frekuentimit të palestrave, kërkoni nga instruktori programe stërvitjeje të përshtatshme dhe me rritje graduale të shkallës së vështirësisë së ushtrimeve dhe të forcës.
- Eliminoni nga dieta brumrat, karbohidratet dhe yndyrnat sa të mundeni. Zarzavatet dhe frutat shkrijnë dhjamrat, eliminojnë toksinat dhe radikalet e lira nga organizmi dhe i japin lëkurës shëndet e ngjyrë. Përdorini ato sidomos nëse e shihni veten në situatat e mësipërme.
- Gjatë shtatzënisë, ushqehuni shëndetshëm dhe kontrolloni rregullisht peshën tuaj. Ruani ritmin e jetës së mëparshme dhe mos u dembelosni për shumë arsye, dhe një ndër to: shfaqja e strieve. Aplikoni kremin antistrije në zonat e riskut, dy herë në ditë me një masazh të lehtë në trajtë rrethore, për disa minuta.
- Kur jeni në terapi me kortizonikë, ndiqni në mënyrë korrekte këshillat e mjekut tuaj kurues për: mënyrën e marrjes, kohëzgjatjen, dozën, uljen dhe ndërprerjen e saj.
