Përshtati për gazetën “Shëndet+”: Blertina Koka
Nuk është vetëm tymi i lëshuar nga makinat, duhani apo fabrikat ai që po na vret nga pak e përditë. Një tjetër vrasës i heshtur gjendet brenda në shtëpi, i cili është po aq i rrezikshëm sa të parët. Ekspertët e shëndetësisë i paralajmërojnë njerëzit rreth rreziqeve që iu kanosen nga ndotja e ajrit brenda mureve të shtëpisë, e cila shkaktohet nga bojleri, kondicioneri apo qirinjtë aromatikë. Paralajmërimi vjen pas një studimi të kryer nga Kolegji Mbretëror i Fizikanëve dhe Pediatreve, ku thuhet se ndotja e ajrit brenda në shtëpi ka shkaktuar ose kontribuar në vdekjen e të paktën 99 mijë personave në Evropë çdo vit.
Duke dashur që të kursejnë energjinë, njerëzit i kanë izoluar shtëpitë dhe kanë instaluar dritare që nuk hapen, por nuk e dinë se një gjë e tillë vë në rrezik jetën e tyre. Çdo pajisje që kemi në kuzhinë, si bojlerët, bombolat, kondicionerët, deodorantët, qirinjtë etj, ndotin ajrin brenda mureve të shtëpisë. Këto pajisje shtëpiake përdorin përbërës kimik të quajtur Përbërës Organik të Avullueshëm (VOC), të cilët avullohen menjëherë në ajër, duke u shkaktuar njerëzve djegie në sy, acarim të lëkurës, të përziera, koll, deri në kancerin e hundës dhe fytit.
Burimi: Daily Mail / https://shendeti.com.al/
