Angjinaret, një super ushqim! Ja disa arsye pse duhet t’i konsumoni
Angjinaret mund të mos jenë aq të njohura në kuzhinën shqiptare, por sipas hulumtimeve, ato janë jashtëzakonisht të vlefshme për shëndetin tonë. Përfshijini ato në dietën tuaj, sepse vetitë e tyre kontribuojnë në shëndetin tonë të përgjithshëm në një sërë mënyrash.
Por pse angjinaret konsiderohen një superushqim?
Janë të pasura me fibra
Një angjinare përmban një të katërtën e marrjes së rekomanduar ditore të fibrave, të cilat dihet se janë të dobishme për shëndetin dhe figurën tonë. Gjithashtu përmban shumë vitamina, të tilla si A, B1, B2, vitaminë C, vitaminë K, si dhe lëndë ushqyese të tilla si acid folik, niacinë, magnez, bakër, mangan, fosfor dhe kalium, duke kontribuar në një shëndet më të mirë të trupit.
Janë super dietike
Me kalori minimale, pasi 100 gramë ofrojnë vetëm 47 kalori, pak yndyrë dhe fibra dietike, angjinaret janë një perime shumë e mirë për dietën dhe shëndetin tuaj.
Angjinaret përmbajnë shumë antioksidantë dhe fitokimikate si beta-karoteni, luteina, zeaksantina, kuercetina, cinarina, rutina dhe luteolina, të cilat kanë efekte antioksiduese, duke kontribuar në funksionimin më të mirë të trupit dhe eliminimin e toksinave. Për më tepër, antioksidantët e angjinares, sipas hulumtimeve, mund të mbrojnë nga kanceri, mosfunksionimi i mëlçisë, kolesteroli i lartë dhe diabeti i tipit 2.
Luftojnë osteoporozën
Konsumimi i angjinareve mund të ndihmojë në parandalimin e osteoporozës, e cila prek gratë më shumë sesa burrat. Prandaj, përveç qumështit dhe produkteve të qumështit, hani angjinare!
Si t’i konsumoni ato
Mund t’i hani të pjekura në skarë ose të ziera, t’i shoqëroni me makarona ose mish, t’i vendosni në omëletë, ose edhe t’i hani të gjalla pasi t’i keni pastruar shumë mirë dhe t’i keni shtuar limon.
