Denisa Canameti
Sipas një shkrese të nxjerrë në qershor të vitit 2010 nga Instituti i Sigurimeve të Kujdesit Shëndetësor, organizmi i konsultave
Vendimi
Letra e pacientëve me firma
Firmat e pacientëve
për shërbimin e urologjisë, do të bëhet nga kirurgët e shërbimit parësor të Qendrave Shëndetësore. Pra, kirurgët e shërbimit parësor do të trajtojnë të gjitha rastet me Hipertrofi Prostate. Kjo masë mësohet se është marrë pasi në Qendrat Shëndetësore nuk ka mjek urolog.
Mirëpo një vendim i tillë ka sjellë reagim të pacientëve dhe mjekëve.
Urologu Kim Drasa, mjek në Poliklinikën e Specialiteteve nr.3 në Tiranë, shprehet për gazetën “Shëndet+” se një vendim i tillë nuk është i logjikshëm. Ai thotë se mjeku kirurg i përgjithshëm nuk ka kompetencën profesionale për të trajtuar patologji të tilla si prostata. Madje, sipas tij, pacientët do të përkeqësohen pasi nuk do të marrin trajtimin e duhur.
Ky shqetësim i ngritur prej mjekut është mbështetur dhe nga një numër i madh pacientësh të cilët kanë firmosur kërkesën e tyre që të mos mjekohen nga kirurgu i poliklinikës, por nga mjeku urolog.
I kontaktuar nga “Shëndet+” lidhur me këtë problematikë, drejtori i Autoritetit Shëndetësor Rajonal, Edmond Stojku, u shpreh se kjo është një zgjidhje e mirëmenduar nga ana e institucioneve përgjegjëse. “Derisa nuk ka mjek urolog në Qendra Shëndetësore, është e detyrueshme që të mendohet diçka, sepse nuk do të ishte as korrekte që shërbimi të kthehej në monopol të një mjeku”, mbylli fjalën e tij për gazetën tonë drejtori Stojku.
