Kolesteroli i keq e ndihmon kancerin të përhapet në gjithë trupin. Shkencëtarët australianë thonë se kolesteroli rregulloni makinerinë që kontrollon lëvizjen e qelizave në trup. Zbulimi, sipas tyre, është një gjetje e madhe në kërkimet që shpjegojnë se pse kanceri përhapet në gjithë trupin dhe i rëndësishëm për ata që kanë nivele të larta kolesteroli.
“Një nga arsyet që e vështirëson kurimin e kancerit është pikërisht fakti që ai përhapet në gjithë trupin, – thotë Tomas Greval i Universitetit të Sidnejit. – Studimi ynë ka treguar se kolesteroli i keq ndikon në përhapjen e qelizave kanceroze në gjithë trupin. Nga ana tjetër rezulton se nivelet e larta të kolesterolit të mirë mbrojnë trupin kundër përhapjes së kancerit”.
Me këtë zbulim të ri pritet të vijohet se si mund të ndërhyhet në rritjen e niveleve të kolesterolit të keq, në mënyrë që të ulet aftësia përhapëse e qelizave kanceroze.
