Të gjithë fëmijët dhe adoleshentët e moshës 12-17 vjeç duhet të marrin një vaksinë për të rritur sigurinë, pas rreziqeve të shtuara nga varianti Delta, rekomandon Komiteti i Përhershëm për Imunizimin, pranë Robert Koch Institute në Gjermani këtë të hënë.
Komiteti, i njohur si STIKO, kishte rekomanduar më herët që vetëm fëmijëve dhe adoleshentëve me probleme shëndetësore të tjera t’u jepet një vaksinë kundër koronavirusit.
STIKO tha se rekomandimi i tij bazohej në të dhënat e reja të mbikëqyrjes nga programi i vaksinimit në Shtetet e Bashkuara, si dhe përllogaritja matematikore që tregon se fëmijët ishin në rrezik shumë më të lartë të infektimit nga varianti Delta.
“Pas vlerësimit të kujdesshëm të këtyre vëzhgimeve dhe të dhënave të reja shkencore, STIKO ka arritur në përfundimin se, sipas gjendjes aktuale të njohurive, avantazhet e vaksinimit tejkalojnë rrezikun e efekteve anësore shumë të rralla të vaksinimit,” tha komiteti./Reuters
