Për shkak të frikës nga përhapja e mutacionit Delta, vetë Turqia, e cila aplikoi më herët Coronavac, ka nisur që nga 1 korriku vaksinimin e tyre me dozën e tretë të vaksinës Pfizer.
Epidemiologu Ilir Alimehmeti është pro vaksinimit me dozë të tretë për të gjithë ata që kanë marrë Coronavac.
Ilir Alimehmeti: Dhe studimet që po dalin nga Kina vetë, po shihet që efekti i saj është i ulët dhe me variantin Delta duhet përforcimi. Kështu rruga për të shkuar është strategjia që ka zgjedhur Turqia, pra dhënia e mundësisë për tu vaksinuar me një nga vaksinat AstraZeneca ose Pfizer që ne kemi në Shqipëri. Ndoshta kjo vlen vetëm për ata që nuk e kishin kaluar sëmundjen më parë.
Por Alimehmeti bazuar edhe në studime ndërkombëtare nuk është për vaksinimin e personave që e kanë kaluar koronavirusin, pasi sipas tij imuniteti natyral është më i fortë se ai që krijohet nga vaksina.
Ilir Alimehmeti: E përgjithshmja për viruset është që mbasi ka kaluar në mënyrë natyrore, vaksina nuk shton ndonjë efekt plus. Në fakt këtë e vërejmë edhe me Covid-19. Imuniteti natyror është dicka e fortë, dicka që zgjat, që nuk është i kufizuar vetëm në antitrupat IGM dhe IGG të cilat janë afatgjatë dhe cdo studim vazhdon dhe e tregon këtë.
Edhe Komiteti Teknik i Ekspertëve në vendin tonë është duke diskutuar mundësinë e vaksinimit të popullatës me një dozë të tretë por ende nuk ka vendimmarrje konkrete.
